ONG galega, crítica e feminista

Precisamos a túa colaboración! Un ano máis, o Teatro Principal de Santiago de Compostela acollerá a cita anual de Implicadas coa cultura e a solidariedade. Artistas do mundo da música, danza, teatro e literatura daranse cita o domingo 14 de xaneiro, ás 20:30 horas, para participar na XIII edición do Implícate, noite de música e palabra solidaria presentada por Yolanda Castaño e Mon Santiso, e coas actuacións de Atrás Tigre, Mounqup, Roi Casal, ISI, Marta Iglesias e Xacarandaina, entre outras/os.
O obxectivo do festival, no que as/os artistas colaboran de xeito desinteresado, é facer un chamamento á solidariedade das galegas e galegos, unindo nesa noite a cultura galega e a solidariedade galega.
​E como che dicíamos… precisamos a túa colaboración! Neste link podes atopar o crowdfunding q lanzamos para a ocasión. Agradecémosche de antemán tanto a túa colaboración como a difusión que nos axudes a facer, tanto do crowdfunding como do festival!